रामोसको कारण फुटबल खेलाडी बन्न डर लागेको भने पछि

आइतबार सेभिल्लाले ला लिगामा रियल सोसिदाद बिरुद्ध खेलेको थियो भने उक्त खेलमा रामोसले ‘दुई पटक’ रातो कार्ड पाए पछि हाल उनको कारण एक बालकले फुटबलर बन्न डर लागेको भनेर भनेको अन्तर्वार्ता फेरी भाइरल हुन पुगेको छ।

केहि सिजन अघि आर्सेनलका खेलाडीले केही बालकहरू संग अनलाइन अन्तर्वार्तामा भाग लिएका थिए र पुर्व रियल म्याड्रिड खेलाडी मार्टिन ओडेगार्ड जो सो समय लोनमा अर्सेनलमा थिए उनी उक्त अन्तर्वार्तामा संलग्न रहेका थिए र एक बालकले उनलाई निकै हास्यास्पद कुरा बताएका थिए।

एक बालकले मार्टिन ओडेगार्डलाई आफू फुटबलर बन्न नचाहेको जसको मुख्य कारण पुर्व कप्तान सर्जियो रामोस रहेको बताए।

धेरै बच्चाहरू फुटबलर बन्ने सपना देख्छन्, तर सबैले सो मौका पाउने गर्दैनन् तर उक्त बालकले रामोसको कारण फुटबल खेलाडी बन्न डर लागेको भने।

उक्त प्रश्न उत्तर अन्तर्वार्तामा एक बालकले भने: “म ठुलो भए पछि आर्किटेक्ट बन्न चाहन्छु, म फुटबल खेलाडी बन्न चाहन्न किन भने मलाई रामोस देखि डर लाग्छ। खेलमा मैले उनलाई भेटे भने उनले मेरो खुट्टा भाँच्न सक्छन्”

उक्त बालकको कुरा सुनेर मार्टिन पनि हाँस्न पुगे र उनले उक्त बालकलाई चोट पनि फुटबलको भाग हो भने।

सो भिडियो केहि सिजन अगाडीको भए पनि गत आइतबार सेभिल्लामा रामोसले रातो कार्ड पाए पछि सो भिडियो फेरी भाइरल बन्न पुगेको छ।

नेपम्याग स्पोर्ट्सले विश्वभरका सबै खेलकुदहरूका सबै नवीनतम समाचार र लेखहरू प्रदान गर्दछ