“मार्टिन ओडेगार्डलाई लोनमा पठाउनु मेरो चाहना थिएन”

रियल म्याड्रिडका कोच जिनेदिन जिदानले आफू मार्टिन ओडेगार्ड आर्सेनलमा लोनमा पठाउने पक्षमा नरहेको बताए।

रियलमा खेल समयको अभावको कारण मार्टिन ओडेगार्डले लोनमा क्लब छोड्ने निर्णय गरे र उनी प्रिमियर लिग क्लब अर्सेनलमा गएका थिए।

जिदानले सो बारे कुरा गर्दै बोलेका छन् र उनले जोर दिएका छन् कि मार्टिन ओडेगार्डलाई लोनमा पठाउने उनको चाहना थिएन र ओडेगार्डले रियलमा आफ्नो ठाउँको लागि प्रतिस्पर्धा गर्नु पर्ने उनको विश्वास छ।

उनले पत्रकारहरूलाई भने: “ओडेगार्ड? उनी जान चाहन्थे, हामीले यस बारे दुई, तीन पटक कुरा गर्यौं।

“उनी लोनमा जान इच्छुक थिए र मैले उनलाई आफ्नो ठाउँको लागि लड्न आग्रह गरे।

“म उनलाई सधैँ मेरो टिममा चाहन्थेँ तर यो उनको निर्णय थियो। म उनलाई मेरो टोलीमा चाहन्छु।

“मैले उनलाई रियल सोसिआडाडमाबाट फर्काए र उनलाई रियलमा राख्ने मेरो चाहना थियो र मैले उनलाई भनेको थिए कि सिजन अझै धेरै लामो छ र उनको अवसरहरू आउने छ।

“तर उनी लोनमा जान चाहन्थे। म वास्तवमै उनलाई टिममा चाहन्छु।”