€७० मिलियन मूल्य रहेको स्टार साइन गर्ने होडमा रियल र बार्सा

नापोलीका स्टार मिडफिल्डर फेबियन रुइज साइन गर्न रियाल म्याड्रिड आफ्नो मुख्य प्रतिद्वन्द्वी बार्सिलोना संग कडा प्रतिस्पर्धामा रहेको खबर छ।

दुई स्पेनिश दिग्गजहरू हाल ला लिगा उपाधिको लागि प्रतिस्पर्धा गर्दै छन् र च्याम्पियन्स लिगको उपाधिको पनि खोजीमा छन्, तर उनीहरूको प्रतिस्पर्धा पिचको बाहिर रहेको देखिन्छ।

क्याल्सिओमरकाटोका अनुसार रियल म्याड्रिडले स्पेनिश मिडफिल्डरलाई साइन गर्न तयारी गरिरहेका छन, र उनलाई साइन गर्न बार्सिलोनालाई पछि पार्ने रियल सबै प्रयास गर्न तयार छन्।

खबर छ जिदानले उनलाई साइन गर्न अनुमति दिएका छन्, र आउँदो ट्रान्सफर विन्डोमा आफ्नो मिडफील्ड प्रबल गर्न उनलाई भित्राउने छन्।

२३ वर्षका मिडफिल्डरको लागि रियल €७० मिलियन तिर्न तयार रहेको खबर छ।

३२ खेल खेलेका उनले ३ गोल र २ अस्सित मात्र गरे पनि उनको खेल शैलीले रियल र बार्सालाई उनि माथि आकर्षित गरेको छ।

उनको खेल शैली बार्सा संग मिल्ने बार्साको विश्वास रहेको छ र उनि स्पेनमा चाडै अनुकूल हुन सक्ने रियल र बार्साको सोच छ।