प्रिमियर लिगमा शनिवार म्यानचेस्टर युनाइटेडले बोर्नेमाउथ विरुद्ध होम खेल खेलेको थियो भने उक्त खेलमा युनाइटेडले हारको सामना गरेको छ।
ओल्ड ट्राफोर्डमा भएको खेलको ५औ मिनेटमै बोर्नेमाउथले अग्रता लिएको थियो। डोमिनिक सोलंकेले गोल गर्दै उनले बोर्नेमाउथलाई खेलको ५औ मिनेटमै अग्रता दिलाए भने युनाइटेडले गोल गर्न नसक्दा पहिलो हाफ १-०को स्कोरमा अन्त्य भएको थियो।
दोस्रो हाफमा भने बोर्नेमाउथले थप दुई गोल गरेको थियो । खेलको ६८ औँ मिनेटमा बोर्नेमाउथका फिलिप बिलिङले गोल गर्दै बोर्नेमाउथको अग्रता दोब्बर बानीको भने ७३ औँ मिनेटमा सेनेसीले गोल गर्दै स्कोर ३-०मा लगे पछि म्यानचेस्टर युनाइटेड आफ्नै होममा तेह्र स्थानमा रहेको बोर्नेमाउथ सँग पराजित हुन पुग्यो।
उक्त हार यस सिजन युनाइटेडको सातौँ हार रहेको छ। १६ खेलमा ९ जित र ७ हारको साथ २७ अंक प्राप्त गरेको युनाइटेड लिगको छैटौँ स्थानमा रहेको छ।
