म्यान्चेस्टर युनाईटेडले च्याम्पियन्स लिग फुटबलमा सहज जित निकालेको छ ।
मंगलबार राति भएको खेलमा युनाईटेडले टर्किस क्लब इस्तानबुल बासाकसेरलाई ४-१ गोल अन्तरले पराजित गरेको हो ।
घरेलु मैदानमा ब्रुनो फर्नान्डेसले दुई गोल गरेपछि युनाईटेडले सहज जित निकालेको हो ।
खेलको सातौं मिनेटमा फर्नान्डेसले गोल गर्दै युनाईटेडलाई अग्रता दिलाएका थिए ।
खेलको १९ औं मिनेटमा फर्नान्डेसले व्यक्तिगत दोस्रो गोल गर्दै युनाईटेडलाई २-० को अग्रता दिलाए ।
म्यान्चेस्टर युनाइटेडका मिड्फिल्डर ब्रुनो फर्नान्डेजको उत्कृष्ट गोल हेर्नुहोस:
مان يونايتد 4 × 1 باشاك شهير | اهداف اللقاء – ALL GOALS
ــــــــــــــــــــــــــــــــــــــــــــ
to never miss any goal Follow @BASAMGOAL_ pic.twitter.com/VrbwQEhHpa— بـســـــــــGOALــــــامـــ (@GOAL6006) November 24, 2020
३५ औं मिनेटमा मार्कस राष्फोर्डले पेनाल्टीमा गोल गर्दा युनाईटेड ३-० ले अघि रह्यो ।
खेलको ७५ औं मिनेटमा डेनिजले गोल गर्दै इस्तानबुललाई ३-१ को स्थितिमा ल्याए ।
त्यसपछि खेलको इन्जुरी समयमा ड्यानियल जेम्सले गोल गर्दै युनाईटेडलाई ४-१ को सहज जित दिलाए ।
जितसँगै समूह ‘एच’ को युनाईटेडले ४ खेलमा ९ अंक जोडेको छ ।
समूहको शीर्ष स्थानमा रहेको युनाईटेड नकआउट चरणको नजिक समेत पुगेको छ ।
इस्तानबुल ३ अंक जोडेर पुछारमा रहेको छ ।