१७ औं जयकर स्मृति राष्ट्रिय जुनियर टेनिस प्रतियोगिता : सुभाङ्गी र ईशा उपाधि नजिक

सुभाङ्गी लक्ष्मी शाह र ईशाश्री शाह १७ औं जयकर स्मृति राष्ट्रिय जुनियर टेनिस प्रतियोगिताको छात्रा यु–१४ मा उपाधि नजिक पुगेका छन् ।

शुक्रबार सम्पन्न भएको सेमिफाइनलमा सुभाङ्गीले अजा रेग्मीलाई ६–३, ६–१ को सेटमा पराजित गर्दै फाइनल पुगेकी हुन् । अब उनले उपाधिका लागि ईशासँग प्रतिस्पर्धा गर्नुपर्नेछ । ईशाले आइशा डोलकर गुरुङ्गलाई ६–०, ४–६, ६–३ को जित निकाल्दै सुभाङ्गीसँगको भेट पक्का गरेकी हुन् ।

जयकर टेनिस एकेडेमीको आयोजनामा भएको प्रतियोगिताको छात्रा यु–१२ तर्फ ईभा अधिकारी र सुनिरा थापाले फाइनल यात्रा तय गरे । ईभाले प्रशंसा मोक्तानलाई ६–२, ७–५ ले तथा सुनिराले जेनी खड्कालाई ३–६, ६–२, ६–३ ले पराजित गरे ।

यस्तै यु १० तर्फ प्राज्ना मानन्धर र समृद्धि महर्जन फाईनल प्रवेश गर्न सफल भए । प्राज्नाले सैभी ढकाललाई ६–३, ४–६, १०–४ ले तथा समृद्धिले लाशा प्रजापतिलाई ६–२, ६–३ ले पराजित गरे । यु–९ तर्फ शिभाली गुरुङ्गले प्राज्ना मानन्धरलाई ४–२, ०–४, ४–१ ले पराजित गर्दै फाइनल प्रवेश गरिन् ।

यस्तै कर्मिष्ठा नुगाले जु सिङ्गोईलाई ४–०, ४–० को सोझो सेटमा पराजित गर्दै फाइनलमा शिभालीसंगको भेट पक्का गरिन् ।

सातदोवाटोस्थित टेनिस कोर्टमा भएको प्रतियोगिताको छात्र यु–१४ तर्फ आर्यन गिरी फाइनल प्रवेश गरेका छन् । गिरीले सौगात बिकलाई ६–४, ६–१ ले पराजित गरे । यस्तै सो स्पर्धामा अकी जुवेन रावत सेमिफाइनल प्रवेश गरेका छन् ।

रावतले प्रनव मानन्धरलाई ६–२, ६–२ को सोझो सेटमा पराजित गर्दै सेमिमा स्थान बनाएका हुन् । यु –१० तर्फ बोरिश अधिकारी र निशाद जोशीले उपाधिका लागि प्रतिस्पर्धा गर्ने भएका छन् । बोरिशले श्रीजन भट्टराईलाई ६–३, ६–४ तथा निशादले दर्सिल श्रेष्ठलाई ६–३, ६–४ लेनै पराजित गर्दै फाइ्नलमा भेट पक्का गरेका हुन् ।

मिक्स जोडी तर्फ ईशाश्री शाह र चिराग तिमल्सिनाको जोडी र अकी जुवेन रावत र सुभाङ्गी लक्ष्मी शाहको जोडीले उपाधीका लागि प्रतिस्र्धा गर्ने नेपाल टेनिस संघले जनाएको छ । ईशा र चिरागको जोडीले सक्षम बिक्रम शाह र सुनिरा थापाको जोडीलाई ६–१, ६–२ र अकी र सुभाङ्गीको जोडीले सौगात बिक र श्रेया भट्टराईको जोडीलाई ६–१, ७–५ ले पराजित गर्दै फाइनल भिडन्त पक्का गरेका हुन् ।

छात्र यु –१२ तर्फ सक्षम बिक्रम शाह, राजवीर प्रधान, स्लोक कजेर खड्का र आयुश्मान एच. घले तथा यु–९ मा प्रनभ घिमिरे, अमत्र्या शर्मा, स्पर्श तिमल्सिना र शंख हाङ्ग राईले अन्तिम चारमा स्थान बनाउन सफल भए ।