‘हामेस रोड्रिग्वेजलाई म्यारोडोनाको १० नम्बर जर्सी दिन पाउदैन, त्यो हाम्रो सम्पत्ति हो’

डिएगो म्यारोडोनाका छोराले हामेस रोड्रिग्वेज नापोली जाने खबरले आफु उत्साहित भएको बताएको छन् । रियल म्याड्रिडबाट दुई वर्षका लागि बायर्न म्युनिख पुगेका कोलम्बियन स्टार रोड्रिग्वेजले अब इटालियन क्लब रोज्ने अनुमान गरिएको छ ।

‘उनी नापोली जाने भन्ने समाचारमा मैले हरेक पटक कमेन्ट गरेको छु’, म्यारोडोनाका छोराले भनेका छन्, ‘म एक किसिमले उनीमाथि दबाब पनि बनाइएरहेको छु । हालै उनले मेरो कमेन्टमा लाइक पनि गरेका छन्।’

रोड्रिग्वेज नापोली जानु आफ्नो सपना पुरा भए सरह हुने पनि म्यारोडोना जुनियरले बताएका छन् । ‘उनी प्रतिभावान खेलाडी हुन् । उनको बायाँ खुट्टा निकै राम्रो चल्छ । उनको आबद्धताले क्लबले राम्रो गर्न सक्छ,’ उनले भने, ‘उनलाई सहरले खुला मनले स्वागत गर्नेछन् । मलाई विश्वास छ उनले आफ्नो क्षमता अनुसारको प्रदर्शन गर्नेछन् ।’

८० र ९० को दशकमा म्यारोडोनाले सफल सिजनहरु बिताएका थिए । जसले उनलाई त्यहाँ सम्मानका साथ हेरिन्छ । तर, म्याराडोनाका छोराले आफ्नो बाबुले लगाउने जर्सी १० का विषयमा बिर्सन भनेका छन् ।

‘१० नम्बर जर्सी नछोउ । त्यो हाम्रो परिवारको सम्पत्ती हो । त्यो मेरो बुबाको हो ,’ उनले भनेका छन्, ‘पहिला हिगुइन गोन्जालोलाई दिइने हल्ला थियो ।’ नापोलीले म्याराडोनाको सम्मानमा उनको सन्न्यासपछि कुनै खेलाडीलाई १० नम्बर जर्सी लगाउन दिएको छैन ‌।