“हामीलाई लिग जित्ने दाबेदार मान्नु हुँदैन”- ओले गुन्नार सोल्सजार

प्रिमियर लिगमा म्यानचेस्टर युनाईटेडले एभर्टनसँग बराबरी खेल्दै अङ्क बाडेको थियो । शनिवार राति भएको खेलमा युनाईटेड घरेलु मैदानमा २ गोलको सुरुवाती अग्रता जोगाउन नसक्दा बराबरीमा रोकिएको हो ।

खेल पछि म्यान्चेस्टर युनाइटेडका कोच ओले गुन्नार सोल्सजारले लिग दौडको बारे बोल्दै युनाईटेड लिग जित्ने दाबेदार नरहेको बताए।

खेल पछि ओले गुन्नार सोल्सजारले भने : “हामीले दोस्रो हाफमा केही राम्रो फुटबल खेल्यौँ तर टार्गेटमा तीन शटबाट तीन गोल खायौँ,”

“म गोलको लागि कसैलाई दोष गर्दिन हामी सबैले एक टिमको रूपमा राम्रो गर्न सक्नु पर्छ।

बराबरी पछि सिटी सँग लिगमा पछि परेको प्रश्न बारे उनले बोले: “हामी उपाधि जित्ने कुरा गरिरहेका छैनौँ,” ओले गुन्नार सोल्सजारले भने। “हामी, यो टोली लामो यात्रामा आएका छौँ, ।

“हामीलाई लिग जित्ने दाबेदार मान्नु हुँदैन। त्यो बढी कुराहरू तपाईँ (मिडियाहरू) ले गर्नु हुन्छ।

“हामीले टिमको रूपमा राम्रो गर्नु पर्छ र हामी कहाँ पुग्ने छौ र अगाडि बढ्दै गर्दा कम गोल खाने प्रयास गर्नु पर्छ।”