स्टार डिफेन्डर साइन गर्न चेल्सी र रियल म्याड्रिड बीच प्रतिस्पर्धा

चेल्सी र रियल म्याड्रिड बीच बायर्न म्युनिखका स्टार डिफेन्डर साइन गर्न प्रतिस्पर्धा हुने खबर छ। खबर अनुसार बायर्नका स्टार डेविड अलबा साइन गर्न रियल र चेल्सी इच्छुक रहेका छन् र दुई क्लब बीच प्रतिस्पर्धा हुने छ।

२८ वर्षका डिफेन्डरको सम्झौता बायर्न संग सिजनको अन्त्यमा समाप्त हुने छ र दुई बीच सम्झौता विस्तारको कुरा सफल हुन सकेको छैन र अन्य क्लब उनलाई फ्री एजेन्टमा साइन गर्न इच्छुक रहेका छन्।

उनि माथि धेरै क्लबहरुको चासो रहेको छ भने चेल्सी र रियल उनलाई साइन गर्ने मुख्य दाबेदार हुन सक्ने खबर छ।

अस्ट्रियन डिफेन्डर धेरै अनुभवी छन् र उनले टिममा राम्रो भूमिका खेल्न सक्ने छन् भने उनलाई फ्रीमा साइन गर्न पाउनु निकै राम्रो सम्झौता हुने छ।

बायर्न म्युनिख संग उनले धेरै उपाधिहरु जितेका छन् र गत सिजन मात्र बायर्न म्युनिखले च्याम्पियन्स लिगको साथ ट्रेबल जितेको थियो जसमा उनको पनि ठुलो भूमिका थियो।