स्टार खेलाडी साइन गर्न रियलले आफ्नो ६ खेलाडीहरु बेच्ने

रियल म्याड्रिड पिएसजीका सुपरस्टार किलियन एम्बाप्पे साइन गर्न चाहन्छन् र धेरै समय देखि रियलको नाम एम्बाप्पे संग जोडिएको छ।

एम्बाप्पेको सम्झौता २०२२मा अन्त्य हुने छ भने पिएसजी संग उनले सम्झौता विस्तार गरेका छैनन्। रियलका कोच जिदान, एम्बाप्पे फ्यान हुन् र उनलाई साइन गर्न जिदानले सबै प्रयास गर्ने कुरा छ।

हालको अवस्थामा क्लबहरुलाई ठुलो खर्च गर्न गार्हो भएको छ र एम्बाप्पेलाई साइन गर्न रियलले आफ्नो ६ खेलाडीहरु अफ-लोड गर्ने कुरा छ।

खबर अनुसार क्लबका अध्यक्ष फ्लोरेन्टिनो पेरेज विश्वस्त छन् कि एम्बाप्पे १३ पटकका च्याम्पियन्स लीग विजेता टिममा सामेल हुन चाहन्छन् र उनको लागि टिममा ठाउँ बनाउन रियल आफ्नो छ खेलाडीहरु बेच्ने छ।

खबर अनुसार उक्त ६ खेलाडीको सुचीमा पर्ने खेलाडी ग्यारेथ बेल( जो हाल लोनमा स्पर्समा छन्), डानि सेबायस( जो हाल लोनमा अर्सेनलमा छन्), ब्राहिम डियाज( जो हाल लोनमा मिलानमा छन्), लुका जोविक, इस्को र मार्सेलो हुन्।