“स्टार खेलाडीहरु लिभरपूलमा जान चाहँदैनन्”

प्रिमियर लिग क्लब लिभरपुल हाल स्थानान्तरण संकटमा रहेको ट्रान्सफर विज्ञ फाब्रिजियो रोमानोले बताए, उनको अनुसार खेलाडीहरू लिभरपूलमा सम्मिलित हुन चाहँदैनन्।

लिभरपूल हाल खेलाडीको चोटको कारण केहि गार्हो स्थतिमा छ र स्टार डिफेन्डर भ्यान डाईक चोटग्रसित रहेको समय लिभरपूल उनको विकल्पमा नयाँ डिफेन्डर साइन गर्न असफल हुदै आएको छ।

ट्रान्सफर विज्ञ फाब्रिजियो रोमानोले सो कुराको कारण पनि बताए। उनले उनको पोडकास्टमा भने “धेरै खेलाडीहरू लिभरपूलमा सम्मिलित हुन चाहँदैनन् किनकि क्लबका चोटग्रसित स्टारहरु टिम फर्किए पछि सो नयाँ खेलाडीले टीममा धेरै खेल समय पाउन सक्षम हुँदैनन्।

“क्लोपले नयाँ सेन्टर ब्याकको रुपमा ‘जो कोहि’ लाई साइन नगर्ने बताए र उनको चासो स्टार डिफेन्डरमा छ तर सो स्टार डिफेन्डर लिभरपूलको खेलाडीहरु चोटबाट फर्किए पछि बेन्चमा बस्न पर्ने हुन सक्ने छ जुन सबै खेलाडीलाई थाहा छ र सबै खेलाडीहरु खेल्न चाहन्छन्।”