प्रहरीले सिरिन्ज आक्रमणमा संलग्न भएको आशंकामा एक जनालाई पक्राउ गरेको छ । काठमाडौँ प्रहरी परिसरका प्रवक्ता होविन्द्र बोगटीका अनुसार पक्राउ पर्नेमा रामेछाम घर भइ हाल महाराजगन्जमा रेस्टुरेन्ट चलाउने ३० वर्षीय सन्तोष कार्की रहेको बताएँको छ ।
कार्कीलाई नेपाल प्रहरीको काठमाडौं परिसरले बिहीबार बेलुका आफ्नै रेस्टुरेन्ट महाराजगञ्जबाट पक्राउ गरेको हो। उनले ५ वर्ष दुबई बसेर फर्किएको भनेका छन् ।
काठमाडौँ प्रहरी प्रमुख उत्तम सुवेदीले पक्राउ गरिएको कार्कीमाथि थप अनुसन्धान भइरहेको जानकारी दिए। उनले प्रारम्भिक बयानमा आफ्नो अपराध स्वीकार गरेको प्रहरी स्रोतकाे दाबी छ। उनले रमाइलोका लागि त्यस्तो गरेको बयान दिएका छन् ।
