कोरोनाका कारण स्थगन गरिएको सिरी ए लिग जुन १३ बाट निरन्तर गर्ने तयारी अघि बढाइएको छ । यसका लागि इटाली सरकारले स्वीकृति दिन भने बाँकी छ ।
भिडियो कन्फेरेन्समार्फत लिगको बुधबार बसेको बैठकले जुन १३ को नयाँ मिति तय गरेको हो । लिगका सबै क्लबले सरकारले तोकेका नियम पूर्ण पालना गर्ने प्रतिबद्धता जनाएका छन् ।
इटालीमा मे पहिलो सातादेखि खेलाडी व्यक्तिगत प्रशिक्षणमा उत्रिसकेका छन् । कोरोना भाइरस संक्रमणको महामारीका कारण लिग मार्च ९ बाट रोकिएको थियो । लिगमा १२ चरण र चार खेल अझै खेल्न बाँकी छ ।
युभेन्ट्स लिग तालिकाको शीर्ष स्थानमा छ । दोस्रो स्थानको लाजियोको एक अंक कम छ । टिमले सोमबारबाट प्रशिक्षक सुरु गर्नेछन् ।
