साउथ ह्याम्प्टनको मैदानमा ब्राइटनको जित

एजेन्सी, इंग्लिस प्रिमियर लिग फुटबलमा ब्राइटन विजयी भएको छ ।

आइतबार राति भएको खेलमा ब्राइटनले साउथ ह्याम्पटनलाई २–१ गोल अन्तरले पराजित गरेको हो ।

साउथह्याम्पटनको मैदानमा लुईस डंकले १६ औं मिनेटमा गोल गर्दै अग्रता दिलाएका थिए ।

चि एडम्सले २७ औं मिनेटमा गोल गर्दै साउथह्याम्पटनलाई बराबरीमा ल्याएका थिए ।

५६ औं मिनेटमा लियोनार्दो टोसादले गोल गरेपछि ब्राइटन २–१ गोल अन्तरले विजयी भयो ।

जीतसँगै ब्राइटन २९ अंकका साथ तालिकाको १६ औं स्थानमा रहेको छ भने पराजित भएको साउथ ह्याम्पटन भने ३३ अंकका साथ १४ औं स्थानमा छ ।