कतार एयरवेज सहिद स्मारक ‘ए’ डिभिजन लिगमा नेपाल पुलिस क्लब र च्यासल युथ क्लबले बराबरी खेलेको छ ।
त्रिपुरेश्वरस्थित दशरथ रंगशालामा भएको खेलमा पुलिसविरुद्ध च्यासलले २-२ को बराबरी खेलेको हो ।
खेलको ५ औं मिनेटमा निर कुमार राईले गोल गर्दै पुलिसलाई अग्रता दिलाएका थिए । निरले सुमन लामाको फ्रिकिक पासमा भली गोल गरे ।
१८ औं मिनेटमा सन्तोष साहुखलले गोल गर्दै च्यासललाई खेलमा फर्काए । त्यसपछि खेलको ४० औं मिनेटमा सुमन लामाले गोल गर्दै पुलिसलाई २-१ को अग्रता दिलाएका थिए ।
पहिलो हाफमा २-१ ले पछि रहेको च्यासलले सन्तोष साहुखलको व्यक्तिगत दोस्रो गोलमा २-२ को बराबरी गरेको हो । उनले ४९ मिनेटमा गोल गरेका हुन् ।
बराबरीसंगै दुबै टोलिले १/१ अंक बटुल्न सफल भएका छन् ।
