संटोसमा नेमारको यस्तो उत्कृष्ट प्रदर्शनहरु देखे पछि युरोपियन क्लबहरु उनको पछि लागे

नेमारको प्रदर्शन युरोपमा बार्सिलोना र पेरिस सेन्ट-जर्मेनको लागि निकै उत्कृष्ट रहेको छ तर ब्राजिलको लिगमा उनी संटोसमा खेल्ने गर्थे जहाँ उनलाई रोक्न लगभग असम्भव थियो।

संटोसमा उनी आफ्नो उत्कृष्ट स्किलहरू देखाउने गर्थे र उनको विरुद्ध खेल्न डिफेन्डरहरूलाई निकै गाह्रो हुने गर्थ्यो। १७ वर्षको उमेरमा उनी सिनियर टिममा खेल्ने गर्थे र उनी आफ्नो क्लबको निकै महत्त्वपूर्ण भाग थिए। क्लबका लागि २२५ उपस्थितिमा, नेमारले १३६ गोल गरे र तीन क्याम्पियोनाटो पालिस्टा उपाधि जितेका थिए, साथै २०११ कोपा लिबर्टाडोरस पनि जितेका थिए।

उनको उत्कृष्ट प्रदर्शन र प्रतिभाको कारण धेरै युरोपियन क्लबहरूको नजर उनी माथि थियो र अन्त्यमा बार्सिलोना उनलाई साइन गर्न सफल भए।

हाल उनको संटोसमा उत्कृष्ट प्रदर्शनहरूको भिडियो भाइरल हुँदै गएको छ उनको सो प्रदर्शनहरू देखे पछि नै युरोपियन क्लबहरू उनको पछि लागेका थिए।