वेस्ट इन्डिजका भेट्रान ड्वायने स्मिथले एभरेस्ट प्रिमियर लिगमा भैरहवा ग्लाडियटर्सबाट खेल्ने भएका छन् ।
ईपीएलको तेस्रो संस्करण फागुन १७ देखि चैत्र १ सम्म कीर्तिपुरस्थित त्रिवि क्रिकेट मैदानमा हुँदै छ । शरद भेषावकरको कप्तानीमा रहने ग्लाडियटर्सबाट स्मिथले खेल्ने ईपीएल आयोजकले जनाएको छ ।
भैरहवा ग्ल्याडीएटर्सबाट ईपीएल खेल्ने निश्चित भएपछि ड्वेन स्मिथ pic.twitter.com/VHgH6g3Ej4
— WicketNepal (@WicketNepal) January 25, 2020
आयोजकले स्मिथको आगमनले ग्लाडियटर्सको ब्याटिङक्रम बलियो बनाउने मात्र नभई टोलीका अन्य खेलाडीका लागि सिक्ने अनुभव हुने जनाएको छ । स्मिथको आर्थिक पाटो भने आयोजक र ग्लाडियटर्स दुवैले खुलाएका छैनन् ।’
३६ वर्षे स्मिथले वेस्ट इन्डिजबाट १० टेस्ट, १ सय ५ एकदिवसीय अन्तर्राष्ट्रिय र ३३ ट्वान्टी–२० अन्तर्राष्ट्रिय खेलिसकेका छन् । उनले इन्डियन प्रिमियर लिगमा चेन्नई सुपर किंग्स, मुम्बई इन्डियन्स, डेक्कन चार्जर्स र गुजरात लायन्सबाट खेलिसकेका छन् । तीन वर्षअघि उनले अन्तर्राष्ट्रिय क्रिकेटबाट संन्यास लिए पनि विश्वभरका फ्रेन्चाइज क्रिकेट खेल्दै आएका छन् ।
#BREAKING
Dwayne Smith is all set to play Everest Premier League (EPL) 2020 for Bhairahawa Gladiators❤️ pic.twitter.com/zkQHAGlnLD— Rigen Maharjan🇳🇵 (@RigenM18) January 25, 2020
‘हामी आइकोनिक खेलाडी खोजिरहेका थियौं, त्यही समयमा ड्वायने स्मिथको नाम सुझाउँदा म निकै उत्साही भएको थिएँ, त्यसपछि हामी उनलाई भित्र्याउनका लागिपर्यौं ।
उनी ट्वान्टी–२० क्रिकेटका सुहाउँदा ब्याट्सम्यान हुन्,’ ग्लाडियटर्सका मालिक साकेट सांघाईले प्रेस विज्ञप्तिमा जनाएका छन् । कप्तान शरदले वेस्ट इन्डिज र आईपीएलमा लामो समयदेखि खेलिरहेका स्मिथ जस्ता खेलाडी आफ्नो कप्तानीमा खेल्न लागेकामा आफैंलाई विश्वास नलागेको बताए ।
स्मिथ पनि नेपाल आएर खेल्न उत्साही रहेको आयोजकले जनाएको छ ।
