एजेन्सी । इंग्ल्याण्डले विश्व कप खेल्ने टिमको घोषणा गरेको छ । मुख्य प्रशिक्षक ज्ञारेथ साउथगेटले बिहिबार कतारमा आयोजना हुने विश्व कपका लागि २६ सदस्यीय टोलिको घोषणा गरेका हुन् ।
इंग्ल्याण्डको बन्द प्रशिक्षण अर्को साता देखि हुने समेत साउथगेटले जानकारी दिए ।
मिडफिल्डर जोर्डन हेन्डर्सन र विंगर रहिम स्टर्लिङले टिममा पर्दै तीन वटा विश्व कप खेल्ने तयारीमा छन् ।
मुख्य प्रशिक्षक साउथगेटले टोलिमा युवा र अनुभवी खेलाडिलाई समेट्दै सन्तुलित टिम घोषणा गरेको दाबी गरेका छन् ।
इंग्ल्याण्डको टिममा १३ खेलाडिले पहिलो पटक विश्व कप खेल्ने अवसर पाउँदा तीन अन्य खेलाडिले पहिलो ठूलो प्रतियोगिता खेल्दैछ ।
विश्व कपका लागि साउथगेटले तीन गोलकिपर, आठ डिफेन्डर, ६ मिडफिल्डर र आठ स्ट्राइकरलाई टिममा समावेश गरेका छन् ।
इंग्ल्याण्डले आफ्नो पहिलो खेल इरानसंग नोभेम्बर २१ मा खेल्दैछ । समुह ‘बि’मा इंग्ल्याण्ड सहित वेल्स, संयुक्त राज्य अमेरिका र इरान रहेको छ ।
