फिफा विश्वकप २०२२ अघिको मैत्रीपूर्ण खेलमा बेल्जियमले हार बेहोरेको छ ।
शुक्रबार राति भएको खेलमा बेल्जियमलाई इजिप्टले २-१ ले हराएको हो ।
खेलको ३३औं मिनेटमा मोस्ताफा मोहमेदले गोल गर्दै इजिप्टलाई सुरुआती अग्रता दिलाएका थिए ।
खेलको ४६औं मिनेटमा ट्रेजेगुएटले गोल गर्दै इजिप्टलाई २-० को अग्रता दिलाए ।
त्यसपछि खेलको ७६औं मिनेटमा लोइस ओपेन्डाले गोल गरेपनि बेल्जियम २-१ ले पराजित भयो ।
कतार विश्वकप नोवेम्बर २० आइतबारबाट सुरु हुनेछ ।
विश्वकपमा बेल्जियम समूह ‘एफ’ मा रहेको छ । यस समूहमा क्यानडा, मोरक्को र क्रोएसिया रहेको छ ।
बेल्जियमले क्यानडाविरुद्ध खेल्दै विश्वकपको सुरुआत गर्नेछ भने इजिप्ट विश्वकपमा छनोट भएको छैन ।
