विराट, रोहित र लोकेशले जिताए भारतलाई

वेस्ट इन्डिजविरुद्धको तीन खेलको टी–२० अन्तर्राष्ट्रिय क्रिकेट सिरिज भारतले जितेको जितेको छ । मुम्बईमा बुधबार राति भएको तेस्रो तथा अन्तिम खेलमा भारतले वेस्ट इन्डिजलाई ६७ रनले हरायो ।

जितसँगै भारतले सिरिज २–१ ले जित्यो । भारतको जितमा कप्तान विराट कोहलीले विस्फोटक ब्याटिङ गरे । ओपनर रोहित शर्मा र लोकेश राहुलले पनि प्रदर्शन पनि बेजोड रह्यो । भारतले दिएको दुई सय ४१ रनको विजय लक्ष्य पछ्याएको वेस्ट इन्डिज निर्धारित २० ओभरमा आठ विकेट गुमाएर एक सय ७३ रनमा समेटिएको थियो ।

वेस्ट इन्डिजका लागि केइरन पोलार्डले ६८ रन बनाए पनि टोलीलाई हारबाट जोगाउन सकेनन् । शिम्रन हिटमेयरले ४१ रन बनाए । बलिङमा भारतका दिपक चाहर, भुवनेश्वर कुमार, मोहमद शामी र कुलदीप यादबले दुई दुई विकेट लिए ।

यसअघि भारतले २० ओभरमा तीन विकेटको क्षतिमा दुई सय ४० रन बनाएको थियो । भारतका लागि कप्तान विराट कोहलीले अविजित ७० रन बनाए । उनले २१ बलमा ५० रन पुरा गरेका थिए । लोकेश राहुलले ९१ र रोहित शर्मा ७१ रन बनाए । वेस्ट इन्डिजका सिल्डन कर्टेल, केस्रिक वालिम्स र कप्तान काइरोन पोलार्डले एक एक विकेट लिए । यसअघि पहिलो खेल भारत ६ विकेटले विजयी भएको थियो । दोस्रो खेल वेस्ट इन्डिजले आठ विकेटले जितेको थियो ।