लिभरपूलले भित्रायो नयाँ स्टार मिडफिल्डर

लिभरपुलले आफ्नो टिममा नयाँ नयाँ स्टार मिडफिल्डर भित्राएको छ। लिभरपुलले बायर्न म्युनिखबाट थिएगो अल्कान्ट्रा साइन गरेको हो।

प्रीमियर लिग क्लबले थिएगो अल्कान्ट्रा संग चार बर्षेको सम्झौतामा हस्ताक्षर गरेको छ भने उनको लागि रेड्सले £२० मिलियन र थप £५ मिलियन बोनसहरु बायर्नलाई तिर्ने छ। मिडफिल्डरले लिभरपूलमा ६ नम्बरको जर्सी लगाउनेछन।

दुई क्लबहरु र खेलाडी बीच सहमति भैसकेको छ तर लिभरपूलले उक्त ट्रान्सफर’bout आधिकारिक रुपमा घोषणा भने गरेको छैन र चाडै रेड्सले उनलाई फ्यानहरु सामु घोषणा गर्ने खबर छ।

थिएगो अल्कान्ट्राको प्रदर्शन निकै राम्रो रहेको छ भने गत सिजन उनले बायर्नलाई ट्रेबल जित्न मद्दत गरेका थिए। उनलाई साइन गर्न लिभरपूलले बार्सिलोना र म्यानचेस्टर युनाइटेड जस्तो क्लबलाई पछि पारेको छ।