इंग्लिस प्रिमियर लिगमा लिभरपुल फेरि पराजित भएको छ ।
बुधबार राति भएको खेलमा लिभरपुल ब्राइटनसँग १-० गोल अन्तरले पराजित भएको हो ।
साविक विजेता समेत रहेको लिभरपुल घरेलु मैदानमै पराजित भएको हो ।
लिभरपुलविरुद्ध ब्राइटनलाई जित दिलाउन स्टेभेन अल्जाटेले निर्णायक गोल गरे ।
पहिलो हाफ गोलरहित बराबरीमा सकिएको खेलको ५८ औं मिनेटमा स्टेभेनले निर्णायक गोल गरेका थिए ।
यस हारसंगै लिभरपुलको उपाधि होड समेत कमजोर बनेको छ ।
लिभरपुलले २२ खेलमा ४० अंक जोडेको छ । लिभरपुल चौंथो स्थानमा रहेको छ ।
ब्राइटन २४ अंक जोडेर १५ औं स्थानमा रहेको छ ।
