ईङ्लिस प्रिमियर लिगमा लिभरपुलले सेफिल्ड युनाईटेडलाई हराउदै लिगमा अपराजित रहेको एक वर्ष पुरा भएको छ ।
बिहिबार घरेलु मैदान एनफिल्डमा लिभरपुलले सेफिल्डमाथि २–० को सहज जित निकालेको हो ।
लिभरपुललाई निरन्तर जित दिलाउन साडियो माने र मोहमद सलाहाले एक एक गोल गरे ।
लिभरपुल अपराजित रहँदै बर्षभरी लिग तालिकाको शीर्ष स्थानमा रह्यो । उसले लिगको सम्भावित ६० अंकमा मात्र दुई अंक गुमायो ।
मोहमद सलाहाले चौथो मिनेटमा गोल गर्दै लिभरपुललाई अग्रता दिलाएका थिए ।
साडियो मानेले ६४ औ मिनेटमा लिभरपुलका लागि दोस्रो गोल गर्दै जित सुनिश्चित गरेका थिए ।
शीर्ष स्थानको लिभरपुलले २० खेलबाट ५८ अंक बनाएको छ । उसले लिगमा १३ अंकको अग्रता लिएको छ ।
दोस्रो स्थानको लेस्टरको ४५ अंक छ । तेस्रो स्थानको म्यान्चेष्टर सिटीको ४४ अंक छ । नयाँ बर्षको सुरुवातमा दुवै टिमले जित दर्ता गरेका थिए ।
सेफिल्ड २९ अंक सहित तालिकाको आठौं स्थानमा छ ।
