रोमामाथी एसी मिलानको मिठो जित

सिरी ए मा एसी मिलानले रोमालाई हराएको छ ।

बिहीबार राति भएको खेलमा मिलानले ९ खेलाडीमा सिमित रोमालाई ३-१ गोल अन्तरले हराएको हो ।

घरेलु मैदानमा ओलिभर जिराउडले आठौं मिनेटमा गोल गर्दै टोलीलाई अग्रता दिलाएका थिए ।

१७ औं मिनेटमा जुनियर मेस्सीआसले गोल गरेपछि मिलानको अग्रता २-० को बन्यो ।

खेलको ४० औं मिनेटमा टामी अब्राहीमले गोल गर्दै रोमालाई २-१ को स्थितिमा ल्याए ।

७४ औं मिनेटमा रिक कार्सड्रपले रातो कार्ड पाएपछि रोमा १० खेलाडीमा समेटियो ।

राफेल लाओले ८२ औं मिनेटमा गोल गर्दै मिलानलाई ३-१ को अग्रता दिलाए ।

खेलको इन्जुरी समयको तेस्रो मिनेटमा मान्सिनीले रातो कार्ड पाएपछि रोमा ९ खेलाडीमा सिमित भयो ।

त्यसको एक मिनेटपछि पाएको पेनाल्टीमा मिलानका ज्लाटन इब्राहिमोविच गोल गर्न चुके । उनको प्रहार रोमाका गोलकिपर रुइले बचाए ।

यस जितसँगै मिलानले २० खेलमा ४५ अंक जोडेको छ ।

मिलान दोस्रो स्थानमा रहेको छ ।

रोमा ३२ अंक जोडेर सातौं स्थानमा रहेको छ ।