‘रोनाल्डो भन्दा एमबाप्पे उत्कृष्ट फरवार्ड’ – भ्रिज

भ्रिज पाँच पटकका बेलोन डि ओर विजेता रोनाल्डो भन्दा एमबाप्पे राम्रो खेलाडी मान्छन् । रोनाल्डोले सिरि एमा अहिले सम्म प्रभाव जमाउन सकेका छ्रैनन् । रियल म्याड्रिडमा नौ वर्ष सफल खेल जीवन विताएका रोनाल्डो यहि सिजनको सुरुवातमा टुरिन पुगेका थिए । रियलमा मात्र उनले ४ चार पटक च्याम्पियन्स लिग उपाधि जितेका थिए ।

३३ वर्षे रोनाल्डोको सुरुवात राम्रो हुन सकेको छैन । सिरि ‘ए’को ३ खेल सम्म उनले गोल गर्न सकेका छैनन् । ‘रोनाल्डोको आगमनले सिरि एमा प्रभाव पार्छ,’ भ्रिजले भने, ‘ उनी आएपछि मैले पनि उनको प्रदर्शनमा ध्यानमा राख्न थालेको छु । उनको आगमन इटाली फुटबलका लागि राम्रो हो । यसले सिरि ‘ए’ मा पनि सकारात्मक प्रभाव पर्नेछ ।’

उनले रोनाल्डो र एमबाप्पेको तुलाना पनि गरेका छन् । भ्रिजले स्मरण गरे, ‘सन् २०१४ को विश्व कप अघि मैले पोर्चुगलसँगको मैत्रीपूर्ण खेल खेलेको थिए । १–१ को बराबरी भएको खेलमा कर्नरमा रोनाल्डोले गोल गरेका थिए । म्यानचेस्टर युनाइटेड र रियलमा थुप्रै उपाधि जितेका रोनाल्डो भन्दा आफुले खेलेमध्ये एमबाप्पले उत्कृष्ट फरवार्ड भएको उनको बुझाई छ ।

अहिले सम्म सामना गरेको उत्कष्ट को हुन् भन्ने प्रश्नमा भ्रिजले भने, ‘मेरो नजरमा एमबाप्पे ।’ १९ वर्षे एमबाप्पले सम्मिलित फ्रान्सेली टोलीले २०१८ को विश्व कप उपाधि जितेको थियो । एमबाप्पे विश्व कपका उत्कृष्ट युवा चुनिएका थिए ।