रोनाल्डो आफ्नो पुरानो क्लब फर्कने सम्भावना नरहेको

एजेन्सी, बिगत केही दिन देखि क्रीस्टियानो रोनाल्डो आफ्नो पुरानो क्लब स्पोर्टिङ लिस्बन फर्कन सक्ने हल्ला चलेता पनि त्यो अहिले सम्भव नरहेको कुरा उनका एजेन्टले प्रष्ट पारेका छन्।

“क्रीस्टियानो रोनाल्डो पोर्चुगल फर्केर आउने छैनन्। उनी स्पोर्टिङले जितेको उपाधी प्रती गर्वान्वित छन् तर उन्को भविष्यको योजनामा स्पोर्टिङ पर्दैन।” भनी उन्का एजेन्ट जोर्ज मेन्डेसले सो कुरा प्रष्ट पारे।
उन्का पुर्व क्लब स्पोर्टिङ लिस्बनले १९ वर्ष पछि पहिलो पटक प्राइमेरिया लिगाको उपाधी जित्न सफल भएको छ। सो जित पछी रोनाल्डोका आमाले उन्लाई स्पोर्टिङ फर्काउन खोज्छु भनी प्रतिक्रिया दिएका थिए।

हाल युभेन्टसले च्याम्पियन्स लिग खेल्ने सम्भावना न्यून भए पछी उनलेे क्लब छाड्ने सम्भावना प्रबल देखिएको छ। स्पोर्टिङले अर्को सिजन च्याम्पियन्स लिग खेल्ने भएकोले पनि उनी फर्किन सक्ने अनुमान लगाइएको थियो। उनि २००३ मा १२.२४ मिलियन पाउन्डमा लिस्बनबाट म्यान्चेस्टर युनाइटेड अनुबन्धित भएका थिए।