यो सिजन च्याम्पियन्स लिग खेल्न नपाएका फुटबल सुपरस्टार क्रिस्टियानो रोनाल्डो साउदी अरेबियाका क्लब अल नासरमा अनुबन्ध भएका थिए भने अर्को सिजन उनी फेरी च्याम्पियन्स लिगमा उपस्थित हुन सक्ने जानकारी छ।
Cristiano Ronaldo reportedly has a clause in his Al-Nassr contract to play for Newcastle United should they qualify for next season’s Champions League https://t.co/A9n52fZaOd
— Mirror Football (@MirrorFootball) January 2, 2023
रिपोर्ट अनुसार प्रिमियर लिग क्लब न्यूकासल युनाइटेड अर्को सिजनको च्याम्पियन्स लिगमा छनोट भए अल नासरले रोनाल्डोलाई न्यूकासल युनाइटेडमा पठाउने सम्झौता गरेको छ। न्यूकासल युनाइटेडमा पनि साउदी अरेबियाको लगानी रहेको छ र साउदी राजकुमार मोहम्मद बिन सलमान न्यूकासल युनाइटेडको मालिकको रूपमा रहेका छन्।
यो सिजन निकै उत्कृष्ट प्रदर्शन गर्दो गरेको न्यूकासल युनाइटेड हाल प्रिमियर लिगको तेस्रो स्थानमा रहेको छ र यो सिजन न्यूकासल लिगको शीर्ष चारमा रहन सके न्यूकासल युनाइटेड अर्को सिजनको च्याम्पियन्स लिगमा छनोट हुने छ र रोनाल्डो फेरी च्याम्पियन्स लिगमा खेल्ने बाटो खुल्ने छ।
खबर अनुसार अल नासर र रोनाल्डो बिचको सम्झौतामा भएको क्लजले न्यूकासल युनाइटेड च्याम्पियन्स लिगमा छनोट भए रोनाल्डोलाई अल नासरले न्यूकासल युनाइटेडमा ट्रान्सफर गर्ने छ।
प्रिमियर लिग क्लब म्यानचेस्टर युनाइटेड यो सिजनको च्याम्पियन्स लिगमा छनोट नभए पछि रोनाल्डो खुसी थिएनन् जसको कारण उनले क्लब सँग सम्झौता रद्द गरेका थिए।
There is a clause in Cristiano Ronaldo’s new contract at Al Nassr which means that he can go on loan to Newcastle United if they qualify for the Champions League this season.
(Marca)
That would be wild IF true 😳 pic.twitter.com/fXTXnweUIk
— Footy Accumulators (@FootyAccums) January 2, 2023
युनाइटेड सँग उनको सम्झौता रद्द भए पछि फ्री एजेन्ट रहेका रोनाल्डो साउदी अरेबियन क्लब अल नासरमा अनुबन्ध भएका हुन्। हाल रोनाल्डोले अल नासर सँग दुई वर्षको सम्झौता गरेका छन् र उक्त क्लबमा रोनाल्डोले प्रति वर्ष २०० मिलियन युरो तलबमा पाउने जानकारी छ।
रोनाल्डो सँग २०२५ सम्मको सम्झौता गर्ने अल नासरले रोनाल्डोको मद्दतमा साउदी अरेबियाको फुटबल सहित अन्य क्षेत्रको उत्पादन र पर्यटन पनि प्रोमोट गर्ने योजना बनाएको छ।
