युभेन्ट्स सिरि ए फुटबलको शीर्ष स्थानमा उक्लिएको छ ।
आईतबार राति भएको खेलमा युभेन्ट्सले रोमालाई २–१ गोल अन्तरले हराएको हो ।
रोमाको घरेलु मैदानमा भएको खेलको तेस्रो मिनेटमै मेरी दिमिरालले गोल गर्दै युभेन्ट्सलाई अघि बढाएका थिए ।
त्यसको सात मिनेटपछि क्रिस्टियानो रोनाल्डोले पेनाल्टीमा गोल गर्दै पाहुना टोली युभेन्ट्सको अग्रतालाई दोब्बर बनाएका थिए ।
रोमाका डिएगो पेरोट्टीले ६८ औ मिनेटमा गोल गर्दै टिमलाई खेलमा फर्काउने कोशिश गरेपनि सफल हुन सकेन ।
रोनाल्डोले सिरि एमा चालू सिजन १४ गोल गरेका छन् ।
जितसंगै युभेन्ट्सले सिरि एमा दुई अंकको अग्रता लिएको छ । शीर्ष स्थानको युभेन्ट्सले १९ खेलबाट ४८ अंक जोडेको छ ।
उसले ईन्टर मिलानसंग स्पष्ट २ अंकको अग्रता लिएको हो । रोमा ३५ अंक सहित तालिकाको पाँचौ स्थानमा छ ।
