रोनाल्डोको रेकर्ड सम्म पुग्न एम्बाप्पे र हालान्डले प्रति वर्ष यति गोल गर्नु पर्ने हुने छ

च्याम्पियन्स लिगको अन्तिम १६को पहिलो लेगको खेलमा हालका दुई युवा स्टार एम्बाप्पे र हालान्डले निकै उत्कृष्ट प्रदर्शन गरे र दुईले आफ्नो टिमलाई जित दिलाउन मद्दत गरे।

एम्बाप्पे र हालान्ड दुवैको हाल धेरै प्रशंसा हुँदै गरेको छ र दुई स्टार रोनाल्डो र मेस्सीको स्तरमा पुग्ने छन् भनेर अहिले देखि नै धेरै चर्चा हुँदै गरेको छ।

मेस्सी र रोनाल्डो एक दशक भन्दा बढी समय देखि विश्व फुटबलमा दुई सर्वश्रेष्ठ खेलाडीको रूपमा रहेका छन्। तर दु: खको कुरा यो स्वीकार गर्न पर्छ, दुवै स्टारको उमेर ३० पार गरेको छ, मेस्सी ३३ वर्षका भएका छन् र रोनाल्डो ३६ जसको मतलब दुवै खेलाडीको क्यारियर अन्त्य हुने धेरै नजिक छ ।

दुवै सुपरस्टार खेलाडीहरूको नाममा धेरै रेकर्ड रहेको छ जुन एम्बाप्पे वा हालान्डले पछि पार्ने धेरैको विश्वास रहेको छ तर यो सजिलो हुने छैन।

रोनाल्डोको सबैभन्दा उत्कृष्ट रेकर्ड ७६३ क्यारियर गोल रहेको छ। उक्त रेकर्डमा पुग्न २० वर्षका हालान्डले ३५ वर्षको उमेर सम्म प्रति वर्ष ४४ गोल गर्नु पर्ने हुने छ र २२ वर्षका एम्बाप्पेले ३५ वर्षको उमेर सम्म प्रति वर्ष ४८ गोल गर्नु पर्ने हुने छ।

दुई युवा स्टारले मेस्सी र रोनाल्डोको ठाउँ लिने धेरै चर्चा छ तर रोनाल्डो र मेस्सीको रेकर्ड पुग्न दुई खेलाडीलाई धेरै गाह्रो हुने स्पष्ट रहेको छ।