रियल म्याड्रिडमाथी म्यान्चेस्टर सिटीको ऐतिहासिक जित

च्याम्पियन्स लिग अन्तर्गत बुधबार राती भएको रोमान्चक खेलमा रियल म्याड्रिडले आफ्नो घरेलु मैदान स्यान्टियागो बर्नाबेउमा म्यान्चेस्टर सिटीबिरुद्ध हार बेहोरेको छ ।

खेलमा पहिलो हाफ गोलरहित बराबर भएको थियो ।

दोस्रो हाफको ६० औं मिनेटमा रियलका इस्कोले गोल गर्दै अग्रता दिलाए ।

७८ औं मिनेटमा म्यान्चेस्टर सिटीका जेजसले गोल गर्दै खेल १-१ को बराबरीमा ल्याए ।

८३ औं मिनेटमा सिटीका डे ब्र्युनाले पेनाल्टी मार्फत गोल गर्दै सिटीलाई खेलमा अग्रता दिलाए ।

८६ औं मिनेटमा रियलका कप्तान सर्जियो रामोसले रातो कार्ड खादै मैदान छोडनु परेको थियो ।

खेलमा अरु गोल हुन नसके पछि सिटीले पहिलो लेगमा २-१ को अग्रता लिन सफल भएको हो ।

यो जितसंगै म्यान्चेस्टर सिटीले रियललाई इतिहासमा पहिलो पटक हराउन सफल भएको छ ।

त्यस्तै म्यान सिटी ११ बर्षमा रियललाई हराउने पहिलो इङलिस टोलि पनि बन्न सफल भएको छ ।