रियल मड्रिडको सहज जित, बार्सासंग अंक बराबरी

स्पेनिस लिग ला लिगामा रियल मड्रिडले सहज जित आत्मसाथ गरेको छ ।

शनिबार राति भएको खेलमा रियल मड्रिडले घरेलु मैदानमा रियल सोसिडाडलाई ३–१ गोल अन्तरले पाखा लगाएको छ ।

जितसंगै रियलले शीर्ष स्थानको बार्सिलोनासंग अंक बराबरी गरेको छ । बार्सा गोल अन्तरका आधारमा शीर्ष स्थानमा छ ।

वैकल्पिक खेलाडीको रुपमा ग्यारेथ वेल मैदान छिरेका थिए । तर उनले मिश्रित किसिमको प्रतिक्रिया पाएका थिए ।

डी सिल्भाको गोलमार्फत पाहुना टोली सोसिडाडले खेलमा अग्रता बनाएको थियो ।

करिम बेन्जिमाले ३७ औ मिनेटमा गोल गर्दै रियललाई खेलमा फर्काएका थिए ।

फेडरिको भाल्भर्डेले ४७ औ मिनेटमा घरेलु टोलीलाई २–१ ले अघि बढाए ।

लुका मोड्रिचले ७४ औ मिनेटमा गोल गर्दै रियललाई सहज जित दिलाएका थिए ।

रियलले १३ खेलबाट २८ अंक जोड्यो । सोसिडाड २३ अंक सहित पाँचौ स्थानमा रह्यो ।