रियल आफ्नो स्टार खेलाडी बेच्न तयार- पिएसजी र म्यान युनाइटेड साइन गर्न इच्छुक

रियल म्याड्रिड आउँदो गर्मीको ट्रान्सफर विन्डोमा आफ्नो डिफेन्डर राफाएल भरानलाई बेच्न तयार हुने खबर छ।

उनको रियल सँगको वर्तमान सम्झौता २०२२को जुन सम्म रहेको छ तर उनी रियल संग सम्झौता विस्तार गर्न इच्छुक नरहेको खबर छ।

खबर अनुसार भरानले रियल संग नयाँ सम्झौता गर्ने छैनन् र सो अवस्थामा रियलको योजना उनलाई आउँदो ट्रान्सफर विन्डोमा बेच्ने रहेको कुरा छ।

रियल उनलाई २०२२मा नि:सुल्क गुमाउन इच्छुक छैनन् र रियलले २०२१को गर्मी मै उनलाई बेच्न पर्ने हुने छ। राफाएल भरानलाई साइन गर्न पिएसजी, म्यान्चेस्टर युनाइटेड र लिभरपुल इच्छुक छन् र सो अवस्थामा रियलमा हालको उनको अवस्था बारे युनाइटेड र पिएसजी जस्तो क्लबको निगरानी रहेको खबर छ।