‘रास्ट्रपति पेरेजका कारण मैले रियल म्याड्रिड छोडे’ – रोनाल्डो

रियललाई १५ महत्वपूर्ण उपाधि जिताउँदै रियलबाट ४ सय ३८ खेलमा ४ सय ५० गोल गरेका ३३ वर्षीय रोनाल्डो करिब १ सय मिलियन युरो ट्रान्सफर रकममा युभेन्टस पुगेका थिए। रियल म्याड्रिडका सर्वाधिक गोलकर्ता रोनाल्डोले युभेन्टसमा आफुलाई स्थापित गरिसकेका छन् भने उनको अनुपस्थिति रियल भने ला लिगामा संघर्ष गर्दैछ।

युभेन्टस गएयता पहिलो पटक यस विषयमा फ्रान्स फुटबलसँग रोनाल्डोले बोल्दै रियल छाड्नुमा पेरेजलाई दोष लगाएका छन्। “उनले मलाई सधैँ व्यापारिक दृष्टीकोणबाट मात्र हेरे। पछिल्लो समयमा मैले पहिलेको जस्तो कहिले महसुस गरिन। रियलमा मेरो आवश्यकता नरहेको मलाई महसुस भयो।”, रोनाल्डोले भने।

रोनाल्डोले पैसाको लागि नभएर राम्रो फुटबल खेल्न युभेन्टस गएको पनि बताए। “म पैसाको लागि युभेन्टस आएको हैन। मैले चिन गएको भए यँहा भन्दा करिब ५ गुणा धेरै पैसा कमाउँने थिए। तर युभेन्टसमा मेरो आवश्यकता रहेको र क्लबले मलाई विश्वास दिलाउन सकेकोले म यँहा आएको हु “, रोनाल्डोले थपे।