रामोसको प्रतिस्थापनको रूपमा रियल म्याड्रिडले यी युवा डिफेन्डर साइन गर्न सक्ने

रियाल म्याड्रिडले ब्रागाका डिफेन्डर डेभिड कार्मोमा निगरानी राख्दै गरेको खबर छ र ए एसका अनुसार रियलले उनलाई सर्जियो रामोसको सम्भावित प्रतिस्थापनको रूपमा साइन गर्ने छ।

रियल र रामोस बिचको सम्झौता सिजनको अन्त्यमा समाप्त हुने छ र दुई बिच सम्झौता विस्तारको कुरा सफल हुन सकेको छैन। रियल अहिले देखिनै आफ्नो स्टार कप्तानविनाको जीवनको योजना बनाउन बाध्य छ र उनको प्रतिस्थापनहरूको सूची बनाउन रियल सक्रिय छन्।

खबर अनुसार हाल रियलको नजर २१ वर्षका युवा डिफेन्डर डेभिड कार्मोमा रहेको छ। उनको रिलिज क्लज €४० मिलियन हुने कुरा छ भने लिभरपुल पनि उनी माथि इच्छुक रहेको चर्चा छ।

डेविड अलबा पनि रामोसको विकल्प हुने चर्चा थियो उनले बायर्न म्युनिख छोड्ने कुराको पुष्टि भएको छ भने रियल उनको नयाँ गन्तव्य हुने भनिए पनि ब्रागाका डिफेन्डर डेभिड कार्मोमा रियलको निगरानी रहेको खबर छ।

हाल डेभिड कार्मो चोटको कारण लामो समय सम्म मैदानमा हुने छन् र सो कुराको फाइदा लिँदै रियलले उनलाई साइन गर्ने खबर छ।