अवे गोलको आधारमा ओलम्पियाकोससँग पराजित हुँदै इङ्लिस क्लब आर्सनल युरोपा लिगको राउन्ड अफ ३२ बाटै बाहिरिएको छ । बिहीबार राति आफ्नो घरेलु मैदानमा सम्पन्न खेलमा १–२ गोल अन्तरले पराजित हुँदै समग्रमा २–२ को बराबरी गरे पनि अवे गोलको आधारमा आर्सनल पराजित भएको हो ।
पहिलो लेगमा १–० को अग्रता बनाएको आर्सनल दोस्रो लेगमा ५३ औँ मिनेटमा पापे अबु सिस्सेको गोलले पछि परेको थियो । निर्धारित समयमा थप गोल हुनसकेपछि खेलमा अतिरिक्त समय थप गरिएको थियो ।
खेलको ११३ औँ मिनेटमा कप्तान पिएरे एमरिक औबामियाङले गोल गर्दै खेलमा बराबरी तथा समग्रमा आर्सनललाई २–१ को अग्रता दिलाए । तर, ११९ औँ मिनेटमा युसेफ एल अरबीले गोल गर्दै खेललाई समग्रमा २–२ को बराबरीमा ल्याए ।
खेलको अन्तिम समयमा औबामियाङले गोलको लागि सुन्दर अवसर खेर फालेपछि थप गोल हुनसकेन र अवे गोलको आधारमा ओलम्पियाकोसले बाजी मार्न सफल रह्यो ।
