ईङ्लिस प्रिमियर लिग अन्तर्गत मंगलबार राती भएको खेलमा म्यान्चेष्टर सिटीले सेफिल्ड युनाईटेडलाई हराएको छ ।
खेलमा सिटीले युनाईटेडलाई १–० गोल अन्तरले हराएको हो ।
सिटीको जितमा सर्जियो अग्युरोले ७३ औं मिनेटमा विजयी गोल गरे ।
बैकल्पिक खेलाडीको रुपमा मैदान छिरेका अग्युरोले सिटीका लागि गोल गरेका थिए ।
पछिल्ला तीन खेलमा अग्युरोले छैटौ गोल गर्न सफल भएका छन् ।
सिटीले पहिलो हाफमै अग्रता लिने अवसर गुमाएको थियो ।
ग्याब्रियल जिससको पेनाल्टी प्रहार घरेलु टोलीका गोलकिपर डेन हेन्डरसनले रोकिदिए ।
जितपछि सिटी ५१ अंक सहित तालिकाको दोस्रो स्थानमा छ । सिटी शीर्ष स्थानको लिभरपुल भन्दा १३ अंक पछाडी छ ।
सेफिल्ड ३३ अंक सहित तालिकाको सातौ स्थानमा छ ।
