इङलिस क्लब म्यान्चेस्टर युनाइटेडले क्रीस्टल प्यालेसका इङलिस गोलकिपर ज्याक बट्ल्यान्ड भित्र्याउने पक्का भएको छ ।
न्युकास्टल युनाइटेडबाट यस सिजनका लागि लोनमा भित्र्याएका गोलकिपर डुब्राब्कालाई न्युकास्टलले फिर्ता बोलाएपछि म्यान्चेस्टर युनाइटेड नयाँ गोलकिपरको खोजीमा रहेको थियो ।
क्रीस्टल प्यालेसमा यस सिजन तेस्रो रोजाइमा परेपछि म्यान्चेस्टर युनाइटेडले बट्ल्यान्डलाई आफ्नो दोस्रो रोजाइका गोलकिपर बनाउन भित्र्याउन लागेको हो ।
यद्यपि, युनाइटेडले उनलाई लोनमा भित्र्याउने छ । लोन यस सिजनको अन्त्यसम्मको लागि मात्र हुनेछ ।
