अभिषेक रिजालले माल्दिभ्सको ‘बी’ डिभिजन लिग खेल्ने भएका छन् ।
मछिन्द्र फुटबल क्लबबाट सहिद स्मारक ‘ए’ डिभिजन लिग खेलिरहेका अभिषेक लिग छाडेर माल्दिभ्सको लिग खेल्न माले पुगिसकेका छन् ।
मछिन्द्रका प्रशिक्षक प्रवेश कटवालले क्लबले फुकुवा गरेको कारण अभिषेक माल्दिभ्स गएको बताए ।
‘क्लबले अभिषेकलाई रिलिज गरेको छ । उनिसँगको लामो छलफल पछिनै हामीले उसलाई रिलिज गरेको हो,’ प्रशिक्षक प्रवेश कटुवालले भने ।
लिग अन्तर्गत सोमबार थ्री स्टार क्लबविरुद्ध पनि अभिषेक टिममा थिएनन् । दशरथ रंगशालामा भएको खेलमा मछिन्द्रले थ्री स्टारलाई २–० गोल अन्तरले पराजित गरेको थियो ।
