कोरोना भाईरसको कारण स्थगित बेल्जियमको शीर्ष डिभिजन लिग फुटबल रद्द भएको छ । कोरोनाको संक्रमण तत्काल रोकिने छनक नदेखिएपछि लिग निर्देशक कमिटिले लिग रद्द गर्ने निर्णय गरेको हो ।
कमिटिले लिगमा शीर्ष स्थानमा रहेको क्लब ब्रुगलाई विजेता घोषित गरिने जनाएको छ । लिगमा केबल एक चरणको खेल मात्र बाँकी रहँदा अहिले क्लब ब्रुग ७० अंक सहित शीर्ष स्थानमा छ ।
दोस्रो स्थानमा रहेको जेन्टको ५५ अंक छ । यद्यपी यस निर्णय फुटबल संघको साधारण सभामा पेश गरिनेछ । संघको साधारण सभा अप्रिल १५ तारिख हुँदैछ । साधारण सभालेनै क्लबहरुको घटुवा, बढुवा लगायत थप निर्णय गर्ने बताईएको छ ।
कोरोनाका कारण युरोपमा शीर्ष डिभिजनको लिग फुटबल रद्द गरिन लागेको यो पहिलो हो । कोरोनाका कारण युरोपका अन्य लिग फुटबलको सिजन पनि थप अन्योलमा परेको छ ।
