बार्सिलोनाले उरुग्वेका वन्डरकिड साइन गर्ने

BARCELONA, SPAIN - FEBRUARY 15: (L-R) Sergi Roberto of FC Barcelona, Antoine Griezmann of FC Barcelona, Ansu Fati of FC Barcelona, Lionel Messi of FC Barcelona celebrates goal 1-0 during the La Liga Santander match between FC Barcelona v Getafe at the Camp Nou on February 15, 2020 in Barcelona Spain (Photo by David S. Bustamante/Soccrates/Getty Images)

स्पेनिस क्लब बार्सिलोना आफ्नो एकेडेमी र युवा फुटबल विकासको लागि धेरै प्रसिद्ध छ र खबर अनुसार बार्साको नजर नयाँ वन्डरकिडमा रहेको छ। उरुग्वेका फोवार्ड निकोलस सिरी माथि बार्साको  निगरानी रहेको खबर छ र उनलाई साइन गर्ने क्लबको योजना रहेको खुलेको छ।

१६ वर्षीय निकोलस सिरीको खेल हाल उरुग्वेयन प्राइमरा डिविसियनमा निकै राम्रो रहेको छ। हाल उनी उरुग्वेको डानुबियो एफसीमा खेल्दै छन्, उनले आफ्नो अन्तिम दुई खेलमा ४ गोल गरेका छन् र र बार्साको स्काउटको नजर उनीमा रहेको खुलेको छ।

धेरैले उनको तुलना उरुग्वेका लेजेण्ड अल्वारो रिकोबा सँग गर्न सुरु गरेको छ। बार्साले उनी १८ वर्ष पुगे पछि मात्र उनलाई साइन गर्ने कुरा छ भने उनी माथि निगरानी भने जारी रहने छ।

खबर छ कि बार्सिलोनाको उरुग्वेमा केही राम्रो सम्पर्कहरू छ जसको कारण उनी सँग सम्झौतामा सहमत हुने कुरामा बार्सा विश्वस्त छन्, तर उनी १८ वर्ष नपुगे सम्म बार्साले पर्खनु पर्ने छ। १८ वर्ष पुगे पछि उनी स्पेनमा सर्न र पहिलो टिममा डेब्यू गर्न कानुनी रूपमा योग्य हुने छन् ।