बार्सिलोनाले आयाक्सका फुल-ब्याक साइन गर्ने

बार्सिलोनाआयाक्सका फुल ब्याक साइन गर्न धेरै नजिक पुगेको खबर छ। खबर अनुसार बार्सा र आयाक्सका फुल ब्याक सर्जिनो डेस्ट बीच व्यक्तिगत सर्तहरू सहमति भएको छ र अब बार्सा र आयाक्स बीच ट्रान्सफर रकमको छलफल हुदै गरेको छ।

१९ बर्षेका डिस्टले गत सिजन सफल अभियानको आनन्द उठाए, गत सिजन उनले आयाक्सका लागि ३६ खेल खेले र सो क्रममा ६ असिस्ट पनि गरे।

उनको प्रदर्शनको कारण उनि हाल फुटबलको एक उत्कृष्ट राइट ब्याकको रुपमा अगाडी आएका छन्। उनको लागि आयाक्सले €२० मिलियनको माग गरेको खबर छ जुन बार्सा तिर्न तयार रहेको कुरा छ।

उनले आफ्नो राष्ट्रिय टिमको लागि पनि ३ खेल खेलेका छन्। १९ वर्षका अमेरिकन फुल-ब्याक हाल उत्कृष्ट युवा खेलाडीहरु मध्ये एक हुन्। नेल्सन सेमेडोको बिक्रि बाची बार्सा उनलाई साइन गर्न सक्रिय भएका थिए। उनलाई साइन गर्न सिटी, चेल्सी र बायर्न म्युनिखले पनि चासो देखाएको छ।