ला लिगामा यो सिजन पहिलोपटक एथ्लेटिको मड्रिडक अंक तालिकाको शीर्ष स्थानमा चढेको छ । लिगमा गत राति भएको १०औं खेलमा रियल सोसिडाडलाई २–० ले हराउँदै उसले साबिक विजेता बार्सिलोनालाई पछि पारेर शीर्ष स्थान लिएको हो ।
आफ्नो घरेलु मैदानमा भएको खेलमा एथ्लेटिकोलाई सहज जित दिलाउन जिताउन डिएगो गोडिन र फिलिपे लुइसले १–१ गोल गरे । गोडिनले पहिलो हाफको ४५औं मिनेटमा सुरुआती गोल गरेका थिए । त्यसपछि खेलमा फर्किन संघर्षरत सोसिडाडाको पोस्टमा खेलको ६०औं मिनेटमा लुइसले गोल गरेर अग्रता २–० बनाए । बाँकी समयमा सोसिडाडले गोल फर्काउन सकेन । र, खेल एथ्लेटिकोले २–० ले जित्यो ।
यो जितपछि एथ्लेटिकोले १० खेलबाट १९ अंक जोड्दै लिगको शीर्ष स्थानमा उक्लिएको छ । एक खेल कम खेलेको बार्सिलोना १८ अंकसहित दोस्रो स्थानमा छ ।
