बार्सिलोनाद्वारा इवान राकिटिकको आलोचना

बार्सिलोना भित्र हाल धेरै अनिश्चितता र उदासिनता छ। क्लबले च्याम्पियन्स लिगमा बेहोरेको लजास्पद हार पछि क्लब भित्र सबै दु: खी रहेका छन्।

उक्त हार पछि बार्सा खेलाडीहरु सामाजिक संजाल र अन्य गतिविधिमा धेरै सक्रिय रहेका छैनन् तर इवान राकिटिकले हालै गरेको कार्यको कारण बार्सा खुसी नरहेको कुरा छ। युरोपा लिग फाइनलमा आफ्नो पूर्व क्लब सेभिल्लाको जित पछि उनि खुसी मनाउँदै भएको टेलिभिजन अन्तर्वार्तामा देखा परे। पूर्व सेभिल्ला कप्तानले प्रसारणको समयमा आफ्नो खुशी लुकाउन सकेनन र उत्सवको रूपमा पौंडीमा उफ्रँदै गरेको पनि देखिन्थ्यो।

यो कार्यले क्लब भित्र उनको धेरै आलोचना भएको खबर छ। आफ्नो क्लबको ८-२को लजास्पद हार पछि पुर्व क्लबको जितमा सार्वजनिक रुपमा सो शैलीमा खुसी मनाएको कुरा असंवेदनशील र अनुपयुक्त रहेको क्लबको विश्वास रहेको भन्ने कुरा छ।

उनको क्यारियर बार्सामा धेरै समय देखि अनिश्चित रहेको थियो र हालैको उनको कार्यले क्लबलाई राम्रो नलागेको खबर छ उनको बार्सा भविष्य के हुने भनेर अझै निश्चित छैन। क्लबले उनलाई बेच्न प्रयास गर्ने खबर रहेको छ भने उनि स्पेनमै आफ्नो क्यारियर जारी राख्न चाहन्छन्।