“बार्सिलोनाको लागि क्लोप भन्दा जावी उत्कृष्ट”

बार्सिलोनाका अध्यक्ष उम्मेद्वार भिक्टर फन्टले बार्सिलोनाको कोचको रुपमा आफुले जावी छनोट गर्ने बताए।

बार्सामा नयाँ कोचको रुपमा क्लोपलाई साइन गर्न पर्ने धेरै धेरैको सुझाव रहेको छ भने अध्यक्ष उम्मेद्वार भिक्टर फन्टले भने आफु अध्यक्ष बने क्लबको लेजेण्ड जावी हर्नान्डेजलाई कोच बनाउने दाबी गरे।

फन्टले बताए, “जावीले बार्साको काममा भाग लिए भने? यो सहि हुने छ, र उनले आफैले पनि भनेका छन्। हामीसँग व्यक्तिगत सम्बन्ध छ र विगत ५ बर्षदेखि क्लबको खेलकुद आवश्यकताहरूबारे हाम्रो विचारहरू साझा रहेको छ।

“उनले हाम्रो केही कामको निरीक्षण गरे। यसको मतलब यो होइन कि यदि हामीले जित्यौं भने जावी म संग सामेल हुने छ। तर हामी उनिमा विश्वास गर्छौं जुन अरु कसैले पनि गरेका छैनन् ।

“कोही भन्छन् कि उनीसंग कुनै अनुभव छैन र उनले बी लाई तालिम दिनु पर्छ, अरुले क्लोपलाई प्राथमिकता दिन्छन् … तर मेरो विचारमा जावी बार्साको लागि उत्कृष्ट हुनेछन् “