फ्री किक वाल मिलाउन म्यान सिटीका खेलाडीले आफ्नो टिम मेटलाई यसरी ताने पछि

प्रिमियर लिगमा म्यानचेस्टर सिटीले लिभरपुलमाथि निकै उत्कृष्ट जित निकालेको थियो। आइतबार राति भएको खेलमा सिटीले लिभरपुललाई ४-१ गोल अन्तरले पराजित गरेको हो र हाल सो खेलको एक हास्यास्पद भिडियो भाइरल हुँदै गएको छ।

खेलको ४३औ मिनेटमा लिभरपुलले निकै राम्रो ठाउँबाट फ्री किक पाएको थियो र सिटीका खेलाडीहरू सो किकलाई गोल हुनबाट रोक्न वाल सिर्जना गर्दै थिए र सिटीका स्टार डिफेन्डर रुबेन डियासले वाल तल बसेका ओलेक्सान्डर जिन्चेन्कोको ठाउँ मिलाउन उनको टाउको समातेर उनलाई ताने।

डियासको प्रयासबाट ओलेक्सान्डर जिन्चेन्को केही चकित भएको देखिन्छ भने हाल सो प्रयासको सामाजिक सञ्जालमा धेरै चर्चा हुँदै गरेको छ भने रुबेन डियासको धेरै मिम पनि आउन सुरु भएको छ।

सो जितको लागि लिभरपुलको मैदानमा इल्के गुण्डोगानले दुई गोल गरे । रहिम स्ट्रर्लिङ र फिल फोडेनले एक एक गोल गरेका थिए।

जितसँगै सिटीले २२ खेलमा ५० अङ्क जोडेको छ । लिभरपुलले भने २३ खेलमा ४० अङ्क जोडेको छ ।