फुटबल मैदानमा थुक्नेलाई पहेलो कार्ड दिने प्रस्ताव

फुटबलका लागि विश्वको सर्वोच्च संस्था अन्तर्राष्ट्रिय फुटबल महासंघ (फिफा) का मेडिकल कमिटीका प्रमुख मिचेल डिहुगले कोरोनाको संक्रमणलाई फैलिन नदिन सेप्टेम्बरसम्म फुटबलका खेलहरु आयोजना गर्न नहुने सुझाव दिएका छन् ।

स्काइस्पोर्टसँगको कुराकानीमा डिहुगले अहिलेको अवस्थामा स्वास्थ्यमा बढि केन्द्रित हुनुपर्ने सुझाएका हुन् ।

पछिल्लो समय जर्मन लिग बुन्डेसलिगा र इङ्ग्ल्यान्डको प्रिमियर लिग बन्द रंगशालामा गराउने बहस चलिरहँदा उनको यो भनाइ आएको हो ।

त्यस्तै उनले फुटबल शुरु भएपछि मैदानमा थुक्ने खेलाडीलाई पनि पहेलो कार्ड दिनुपर्ने सुझाएका छन् ।

दोस्रो विश्वयुद्दपछि अहिले एउटा नाटकीय अवस्थामा रहेको भन्दै यो अवस्थालाई कसैले अवमूल्यन गर्न नहुने बताएका छन् । उनले अहिलेको अवस्थामा नै लिग शुरु गरिहाल्नु हतारो हुने जनाएका छन् ।