प्रिमियर लिग पूर्ण सुरु भए खाली स्टेडियममा हुने

कोरोना भाइरसविरुद्धको भ्याक्सिन नबनेसम्म प्रिमियर लिग बन्द रंगशाला भित्र हुने भएको छ ।

बेलायतका खेल अधिकारीहरुले सन २०२१ सम्म फुटबल रित्तो रंगशालाहरुमा इंगल्यान्डको शीर्ष चार लिगहरू खेलाउने विचार गरिरहेका छन् । वरिष्ठ अधिकारीहरूले डिसेम्बरमा मैदान फेरि खोल्ने आशा गरेका छन् । तर कहिले खोल्ने भन्नेबारेमा भने सबै निर्णय प्रधानमन्त्री बोरिस जोन्सनले लिनेछन् ।

तर जोनसनमाथि फुटबल खेलहरू, संगीत उत्सवहरू र कन्सर्ट जस्ता इभेन्टहरु सञ्चालन गर्न कडा दृष्टिकोण लगाउनु पर्ने बाध्यता छ ।

यता खेल अधिकारीहरु भने कोरोनाविरुद्धको भ्याक्सिन विना कुनै पनि कुराको सम्भव नभएको बताउँदै आएका छन् । अन्तर्राष्ट्रिय फुटबलर युनियन फिफप्रोका महासचिव जोनास बेयर–हाफम्यानले भनेका छन, प्रशंसकहरू भने स्टेडियमभित्र नभइ घरघरमा हुनेछन् , यो अवस्था सम्भवतः मानिसहरूका लागि खोपको विकास नभएसम्मका लागि कायम रहने छ ।
कोरोना रोकथामका लागि कुनै दर्शक विना खेलहरु खेलाउदा नै राम्रो हुन सक्ने जनाइएको छ ।

दर्शकहरुले घरमा नै बसेर प्रत्यक्ष प्रसारण टिभीबाट हेर्न सक्नेछन् ।

हालसालैको साताहरूमा सामूहिक जमघटहरूको जाँचबुझ भएका छन् र धेरैले उनीहरूलाई कोरोनाभाइरसको फैलावटका लागि जिम्मेवार भएको सुझाव दिएका छन्। जस्मा युरोपेली मैदानहरुमा भएका फुटबलका गतिविधिहरु पनि मुख्य जिम्मेवार मानिन थालिएको छ ।