नेमारमा भन्दा एम्बाप्पेमा ध्यान दिन पिएसजीलाई पूर्व खेलाडीको आग्रह

पिएसजी र ब्राजिलियन स्टार नेमार पछि हालै २०२५ सम्म सम्झौता विस्तार भएको छ। नेमारले क्लब छोड्ने धेरै हल्ला हुँदै गर्दा पिएसजी उनलाई क्लबमै राख्न सफल हुँदा पिएसजीका पूर्व फोवार्ड सो कुराबाट प्रभावित छैनन्।

पूर्व पिएसजी फोवार्ड डेभिड जिनोलाले क्लबलाई नेमारमा भन्दा एम्बाप्पेमा ध्यान दिन आग्रह गरे उनको अनुसार नेमारको खेल जीवनको “सर्वश्रेष्ठ समयको अन्त्य भइसकेको छ” र उनले दाबी गरे कि एम्बाप्पे सँग नयाँ सम्झौता पुरा नभए सम्म ब्राजिलियन स्टारको सम्झौता अर्थहीन हुने छ।

“ट्राफी जित्नुको महत्त्वपूर्ण पक्ष भनेको समूहमा स्थिरता हो। नेमारको वफादारी अझ बढी पाउन मलाई लाग्छ कि यो एकदम राम्रो कुरा हो,” पूर्व पिएसजी खेलाडीले फ्रान्स इन्फोलाई भने।

“पहिले जस्तो एक खेलाडीसँग खेल जित्ने कुरा अहिले सम्भव छ छैन, जस्तो [मिशेल] प्लेटिन र [डिएगो] माराडोनासँग हुने गर्थ्यो, मलाई लाग्छ कि अब त्यो दिन सकियो।

“हामी एम्बाप्पे सँग नयाँ सम्झौता नगरी नेमार सँग गर्न सक्दैनौँ। नेमार २९ वर्ष भएका छन्, उनको खेल जीवनको सर्वश्रेष्ठ वर्षहरू अन्त्य भएको छ।

“एम्बाप्पे एक युवा खेलाडी हुन्, उनी सँग कच्चा प्रतिभा छ, उहाँ एक केटा हुनुहुन्छ जससँग ठुलो क्षमता छ, तर हामी केवल उनको क्षमताको ६० प्रतिशतमा छौँ। अब सबै खेलाडीहरूले महसुस गर्न पर्छ कि उनीहरूले केही पनि जित्न सक्दैनन्-यदि तिनीहरू सामूहिक खेलमा लाग्दैनन् भने।”।