दोस्रो लेगमा जित निकाल्दै बार्सिलोना कोपा डेल रे को क्वाटरफाइनलमा

बार्सिलोनाले समग्रमा ४–२ को जित निकाल्दै आन्तिम आठमा पुग्न सफल भएको हो । घरेलु मैदान क्याम्प नोउमा बिहीबार राति भएको खेलमा बार्सिलोनालाई जिताउन औसमान डेम्वेलेले २ तथा कप्तान लियोनल मेस्सीले एक गोल थपे ।

पहिलो हाफमा २ तथा दोस्रो हाफमा १ गोल सम्भव भएको थियो । लेभान्टेलाई सुरुवातदेखि नै दवावमा राखेको बार्सिलोनाले खेलको ३०औं मिनेटमा डेम्वेलेको गोलबाट अग्रता बनाएको थियो । कप्तान लियोनेल मेस्सीको पासमा डेम्वेलेको प्रहार सर्जियो पोस्टिगोले क्लियर गर्न खोजेपनि असफल बन्यो ।

लगत्तै ३१औं मिनेटमा डेम्वेलेले मेस्सीकै पासमा अर्काे गोल थप्दै बार्सिलोनाको अग्रता दोब्बर बनायो । ५४औं मिनेटमा कप्तान लियोनेल मेस्सीले गर्दै बार्सिलोनालाई ३–० को जित दिलाउदै क्वाटरफाइनलको यात्र तय गराए । मेस्सीले नेल्सन सोमिडेको पासलाई सदुपयोग गरेका थिए ।