इङलिस प्रेमिएर लिग क्लब म्यान्चेस्टर युनाइटेडको खराब प्री सिजन जारी रहेको छ ।
सोमबार बिहान भएको खेलमा म्यान्चेस्टर युनाइटेड जर्मन क्लब बोरुसिया डर्ट्मुन्डबिरुद्ध ३-२ गोल अन्तरले पराजित भएको हो
सुरुवाती अग्रता लिएको युनाइटेडले अग्रता जोगाउन नसक्दा हार बेहोरेको हो ।
२४ औं मिनेटमा डियोगो डालोटले गोल गर्दै युनाइटेडलाई अग्रता दिलाएको थियो ।
मालेनले ४३ र ४४ मिनेटमा दुई गोल गर्दै डर्ट्मुन्डलाई पहिलो हाफमा अग्रता दिलाएको थियो ।
५२ औं मिनेटमा युनाइटेडका एन्टोनीले गोल गर्दै खेल बराबरीमा ल्याएको थियो ।
७१ औं मिनेटमा मौकोकोले गोल गर्दै डर्ट्मुन्डलाई जित दिलाउन सफल भए ।
यो म्यान्चेस्टर युनाइटेडको प्री सिजन खेलमा तेस्रो लगातार हार हो । यस अघि रियल म्याड्रिड र रेक्सह्यामबिरुद्ध हार बेहोरेको थियो ।
